PKK`ê xwe gihande bajarên tirknişîn

PKKê êrişî qereqola cendirmyên Tirkiyê li parêzgeha Giresunê ya li Herêma Karadenizê kir.

Hat ragihandin, gerîllayên Partiya Karkerên Kurdistanê (PKK) roja înê saet 17:00an de êrişî qereqola cendirmeyên tirk li gundê Çaldag li Herêma Karadeniz a Tirkiyê kir.

Di encama êrişê de efserekî cendirme bi navê Zafer Çalişkan bi giranî birîndar bû.

Piştî bûyerê efserê birîndar Zafer Çalişkan bo Nexweşxaneya Ilhan Ozdemir ya Dewletê li Giresunê hat veguhastin, lê ji ber giraniya birînan, cane xwe ji dest da.

Waliyê Giresunê Hasan Karahan li ser bûyerê daxuyanî da û ragihand, ku qereqola cendirmeyan a li gundê Çaldag a Giresunê rastî êrişa roketan û çekên giran hat.

Waliyê Giresunê herwiha da xuyakirin, di nava vê heftiyê de ew êrişa duyemîn e ku pêk tê.

Li ser pirsyara rojnamevanekî ku gelo dikare bê gotin ku ev êriş êrişeke terorîstî ye yan na, Hasan Karahan got, ew wiha dibînin ku êrişa îro çalakiya PKKê ye.