Li Geverê şer derket û artêşa Tirkiyeyê 7 kuştî û birîndar dan

Li Geverê di navbera leşkerên Tirkiyeyê û gerîllayên PKK`ê de şer derket. Di encama pevçûnan de leşkerek hat kuştin û 6 leşker jî birîndar bûn.

Li gor rapora Kurdpress`ê ji zarê Rûdaw`ê, li herêma Çelê ya ser bi Geverê ku girêdayî parêzgeha Colemêrgê ye, duh danê nîvro di navbera gerîllayên PKK`ê û leşkerên Tirkiyeyê de şer derket û di encama şêr de leşkerek hat kuştin, 6 leşker jî birîndar bûn.

Serfermandariya artêşa Tirkiyeyê jî derbarê şerê duh de daxuyaniyek da û ragihand ku di saet 12:20`an de di navbera leşkerên tirk û gerîllayên PKK`ê de şer derketiye.

Li gorî Serfermandariya artêşa Tirkiyeyê di encama şêr de leşkerek hatiye kuştin û 6 leşkerên din jî birîndar bûne.