PYD: AKP dijminê demokrasiyê ye

PYD`ê rakirina parêzbendiyên parlementerên HDP`ê şermezar kir û ev hewlesta AKP`ê wekî dijmintiya demokrasiyê bi nav kir.

Li gor rapora Kurdpress`ê, ji zarê Spûtnîkê, Partiya Yekîtiya Demokratîk (PYD) bi daxuyaniyeke nivîskî rakirina parêzbendiyên parlementerên Partiya Demokratîk a Gelan (HDP) şermezar kir û AKP`yî wekî dijminên demokrasiyê bi nav kirin. Di daxuyaniyê de wiha hatiye gotin: AKP`ê derbek li vîna gel xist û parêzbendiyên parlementerên HDP`ê rakir. Em vê yekê şermezar dikin. AKP bi van polîtîkayên xwe armanc dike ku cidahiyê têxîne nava gel û faşîzmê xurt bike. AKP`ê bi vê helwesta xwe derbek giran li demokrasî, dîrok û şirûştê xist.