Rûsya: Heya miha me li Sûryeyê 28 hezar terorîst kuştine

Yevgeniy Lukyanov, cîgirê sekreterê Konseya Ewlehiyê ya Rûsyayê ragihand ku hetanî îro di operasyonên Sûriyeyê de 28 hezar terorîst hatine kuştin.

Li gor rapora Kurdpress`ê ji zarê Spûtnîk`ê, cîgirê sekreterê Konseya Ewlehiyê ya Rûsyayê, Yevgeniy Lukyanov ragihand ku hetanî îro di operasyonên Sûriyeyê de 28 hezar terorîstên DAIŞ û El-Nûsrayê hatine kuştin.

Yevgeniy Lukyanov, cîgirê sekreterê Konseya Ewlehiyê ya Rûsyayê li paytexta Çeçenistanê li Grozniyê piştî konferansa ewlehiyê ya navneteweyî di civîna çapemeniyê de pirsên rojnamevanan bersivandin û got: Li gorî texmînên me 30`yê îlonê dema ku operasyonan destpê kirin, derdora 80 hezar milîtan hebûn û heta niha nêzî 28 hezar terorîst hatine kuştin. Di vir de keda artêşa Sûriyeyê jî heye.

Yevgeniy Lukyanov di berdewamiya axaftinên xwe de got: Herwiha di operasyonên hêzên koalisyona hevpeyman a bi pêşengiya Amerîkayê de jî derdora 5 hezar milîtanên terorîst hatine kuştin.