Li kantona Efrînê ezmûnên dawiya salê

Bi qasî 426 xwendekarên amadehiyê (Bekelorya) yên kantona Efrînê îro ketin ezmûnên dawiya salê.

Li gor rapora Kurdpress`ê ji zarê ANHA`yê, kantona Efrînê ezmûnên xwendekarên lîseyê (bekelorya) ên beşên zanistî, wêjeyî, finûn, sîhna, çandinî û bazirganiyê tevlî ezmûnên dawî yên sala xwendinê ya 2015-2016’an bûn.

Hejmara xwendekarên zanistê 190, wêje 133, finûn 3, sîna 10, bazirganî 12 û çandiniyê jî 4 kes bûn. Dê ezmûn heta 31’ê hizêranê dewam bikin.

Di heman demê de 73 xwendekarên sala duyemîn ên peymangeha navîn bi beşên xwe yên tenduristî, kompiyûter, rêveberiya kar, çandinî û mesreh jî tevlî ezmûnên xwe yên dawî bûn.

Ji wan xwendekar 20 kes beşa tenduristiyê dixwînin, 18 kompiyûter, 21 rêveberiya kar, 7 çandinî û 7 jî şano ne.

Xwenedkarên peymangha sala yekem jî duh ezmûnên xwe lidar xistin, ezmûn dê heta 28’ê hizêranê dewam bike.