Hêzên Îraqê ketin nav Felûceyê û şerê kolan bi kolan dest pê kir

Hêzên Îraqê ketin nav bajarokê Felûceya parêzgeha El-Enbarê û li gel çekdarên rêxistina radîkal a DAIŞ`ê dest bi şerê kolan bi kolan kirin.

Li gor rapora Kurdpress`ê ji zarê Bas News`ê, îro, 30`yê gulanê hêzên artêşa Îraqê, çekdarên milîsên Heşdî Şeibî û çekdarên hozên Sunî yên li herêmê dest danîne ser navçeya Seqilawiyeyê ku dikeve rojavayê Felûceyê.

Hêzên Îraqê piştî şerê heft rojan, bi piştgiriya hêzên esmanî yên Îraqê û bi dehan hezar çekdar, ji sê baskan ve ketin nav taxa Şehîdan a bajarokê Felûceyê û şerê kolan bi kolan li gel çekdarên DAIŞ`ê dest pê kirin.