YPG û hêzên taybet ên Amerîkayê dest bi operasyona Minbicê kirin

Operasyona rizgarkirina bajarokê Minbicê ji destê DAIŞ`ê, bi pêşengiya Yekîneyên Parastina Gel (YPG) û piştevaniya hêzên taybet ên Amerîkî destpê kir.

Li gorî berpirsên amerîkî ku ji Reutersê re aşkera kirine, operasyona ku duh piştî amadekariyên çend heftiyan dest pê kiribû, bi beşdariya hezaran şervanên kurd û hevalbendên wan ên ereb ên Hêzên Sûriyeya Demokratîk (HSD) birêve diçe.

Bajarokê Minbicê ku pirranî ji kurd û ereban pêk tê, beriya şerê navxweyî yê Sûriyeyê xwedî nifûseke bi qasî 100 hezar kesî bû û dikeve 30 kîlometroyan dûrî rojavayê Çemê Firatê li kantona Kobaniyê ye.