Li 9 deverên Dêrsimê qedexe hat ragihandin

Walîtiya Dêrsimê ragihand ku li navçeya Pilûrê 9 dever ji hatûçûnê re hatine qedexekirin.

Li gor rapora Kurdpress`ê ji zarê Rûdaw`ê, walîtiya Dêrsimê duh, çarşemiyê, 1`ê hezîrana 2016`an di daxuyaniyeke nivîskî de 9 dever li navçeya Pilûrê bi hinceta ´ewlekariya welatiyan´ wek ´deverên ewlehiya taybet´ ji hatûçûnê re qedexe kirin.

Di daxuyaniyê de hatiye diyarkirin ku ev qedexe wê ji 1 heta 9`ê hezîranê berdewam be.

Walîtiyê li gel kordînatan, navên deverên qedexekirî wiha rêz kirine; Taxa Eroxlû, Çambûlak, Çiyayên Mercanê, Newala Kiran, Girê Qinikan, Warê Golan, Taxa Egercî, Dulbektaşi, Taxa Kiziloren.

Tê texmînkirin ku hêzên Tirkiyeyê yên ewlehiyê li wan cihan dest bi operasyonê bikin.