دهوری سازکردن و چێکردنه بهربڵاوهکان له زیادبوونی تووشبووان به نهخۆشی سالک

دوکتۆر "حسێن بیگلهری" له وتووێژ لهگهڵ ههواڵنێری کوردپرێس به ئاماژهدان بهوهی که له ماوهی ساڵی ڕابردوودا به ڕێژەی 20 ههزارکهس لهسهر ئاستی وڵاتی ئێران تووشی نهخۆشی سالک بوون، زیادی کرد: نزیکهی 250 کەس لهم ڕێژەیه له پارێزگای کرماشان بینراوه.

ناوبراو ئهوهشی ڕاگەیاند: نهخۆشیی سالک یا لیشمانیوزی پێستی یهکێکه له نهخۆشییه هاوبهشهکان له نێوان مرۆڤ و ئاژهڵ که زۆرتر له کۆتایی وهرزی بههار و دهستپێکی وهرزی گهرمادا تهشهنه دهکات و بڵاودهبێتهوه.

بهڕێوهبهری دهستهی نهخۆشییهکانی ناوهندی تهندروستیی پارێزگاری کرماشان به دهربڕینی ئهوهی که ئهم نهخۆشییه به شێوهی برینگهلی پێستیی بهرجهسته و دیار لهسهر دهموچاو و به تایبهت له شوێنه کراوه و بهرچاوهکانی جهسته خۆی نیشان دهدات، وهبیری هێنایهوه: نهخۆشیی سالک به دوو جۆری سالکی شاری (سالکی ویشک) و سالکی گوند و ئاوایی (سالکی شێدار) دابهش دهکرێت.

ڕوونیشیکردهوه: سهرچاوهی نهخۆشیی سالک له جۆری گوند و ئاواییهکهیدا خوڕۆک و داکرۆژهرهکان به تایبهت مشکهکان و له جۆری شارییهکهیدا سهگه بهڕهڵاکانن و به لهبهرچاو گرتنی دهستپێکی هاوین و وهرزی گهرما، چالاکیی ئهو مێشوولهیهی ئهو نهخۆشییه دهگوازێتهوه به ناوی فلۆبۆتوموس زیاد دهبێت که به گهزینی پێست و پێوهدانی خۆی ئهنگهلی نهخۆشیی سالک بۆ جهستهی کهسی میواندار دهگوازێتهوه.

بهڕێوهبهری دهستهی نهخۆشییهکانی ناوهندی تهندروستیی پارێزگاری کرماشان جهختی کردهوه: به لهبهرچاو گرتنی ڕواڵهتی ناحهز و نهخوازراوی برینهکانی نهخۆشیی سالک لهسهر پێستی دهموچاو و دهستهکان دهتوانێت ببێته هۆکاری سهرههڵدانی خهسارگهلی جۆراوجۆر و زیانی رۆحی و دهڕوونی به تایبهت له ژنان و منداڵاندا.

دوکتۆر "حسێن بیگلهری" وێڕای جهخت کردنهوه لهمهڕ لهبهرچاو گرتنی بنهماکانی پێشگرتن له نهخۆشیی سالک، رێگای چارهسهری و دهرمان کردنی ئهم نهخۆشییهی به بهکارهێنانی دهوا و دهرمان لهگهڵ وهشاندنی ئهمپوول و دهرزییهکانی گلۆکانتیم و فریزکردن ڕاگەیاند و له دڕێژەی قسهکانیدا وتی: لهم ساڵانهی دواییدا لهبهر هۆکاری سازکردن و چێکردنی بینا و باڵهخانهکان به شێوهیهکی بهربڵاو چاوهرێی زیادبوونی ههیبهرهکان و کهسانی تووشبوو به نهخۆشی سالک و به تایبهت له دهوڕووبهری شارهکان و ناوچهکانی گهرمێنی بووینه.

ناوبراو زۆرترینی ئهو خاڵانهی که له نهخۆشیی سالک بینراوه تایبهت به پارێزگاکانی فارس، ئیسفههان، لوڕستان و ئیلام زانی و ڕایگەیاند: ههروهها له پارێزگای کرماشان له شارستانهکانی بهشی گهرمێنیی وهکوو سهرپێڵی زههاو، قهسری شیرین و گێلانی غهرب زۆرترینی ههیبهرهکانی تووشبووان به نهخۆشیی سالک بینراوه.