DAÎŞ`ê 19 jinên kurd di qefesên hesinî de şewitandin

Hate gotin ku endamên DAÎŞ`ê li Mûsilê 19 jinên kurd di nava qefesên hesinî de şewitanine.

Li gor rapora Kurdpress`ê ji zarê Spûtnîk`ê, terorîstên DAÎŞ`ê 19 jinên kurd yên ku demek berê revandibûn di nava qefesên hesinî de şewitandine. Li gorî nûçeyê, jinên kurd xizmet û daxwazên terorîstan red kirin lewma jî ceza li wan hatiye birrîn û hatine şewitandin.

Hêjayî gotinê ye ku terorîstên DAÎŞ`ê di sala 2014`an de ji bajarokê Şingalê bi hezaran jin û zarokên êzidî revandibûn.