Operasyona rizgarkirina Minbicê berdewam dike û 4 xwekujên DAÎŞ`ê xwe teqandin

Operasyona kontrolkirina Minbicê berdewam e û 4 xwekujan li gundê Qeata Mezin xwe teqandin.

Li gor rapora Kurdpress`ê ji zarê Rûdaw`ê, di operasyona duh de hêzên Encumena Leşkerî ya Minbicê ketin nava gundê Qeata mezin û 4 xwekujên DAIŞê di nava gund de asê man.

Li gor agahiyan, îro wan her 4 kesan xwe teqandin.

Meclîsa leşkerî ya Minbicê da xuyakirin ku termê 18 çekdarên DAIŞ`ê li wî gundî ketine destê wan ku 12 jê xwediyê nasnameyên biyanî ne.

Herwiha li aliyê Bendava Tişrînê jî hêzên ser bi encumena leşkerî ya Minbicê ve gundê Xefşe ji destê DAIŞ`ê derxistin û kontrol kirin.