Dawûdoxlî wê roja înê serdana Îranê bike

Ofîsa serokwezîrê Tirkiyeyê ragihand ku Dawûdoxlî wê roja înê, 4'ê adarê serdana Îranê bike.

Li gor rapora Kurdpress'ê ji zarê Todays Zaman, ofîsa serokkomarê Tirkiyeyê ragihandiye ku Ehmed Dawûdoxlî wê roja înê li gel heyeteka payebilind serdana Tehranê bike.

Ofîsa Daxûdoxlî ragihandiye ku ev serdan bi armanca xurtkirina pêwendiyên herdu welatan û nêzîkkirina nêrînên Îran û Tirkiyeyê der heqê kirîza Sûryeyê de pêk tê. Herwiha hatiye ragihandin ku armanca sereke ya vê serdanê danûstandin li gel rayedarên payebilind ên Îranê ji bo çareserkirina nakokiyên kûr ên herdu aliyan li ser pirsgirêka Sûryeyê ye.

Heya niha Îranê der heqê pêkhatina vê serdanê û armancên wê ku ji aliyê wezareta karên derve ya Trikiyeyê ve hatine eşkerekirin, ti daxuyaniyek nedaye.