Bînalî Yildirim: Em hêviya mezlûman in, em Tirkiye ne

Serokwezîr Bînalî Yildirim wiha got: Me guhên xwe ji hewarên ku ji çar aliyên dinyayê tên negirtin û em ê negirin jî. Lewra em hêviya mezlûman in, lewra em Tirkiye ne.

Li gor rapora Kurdpress`ê, Yildirim bi minasebeta "Roja Dinyayê ya Penaberan" li ser hesabê xwe yê Twîterê peyamek parve kir.

Serokwezîr Yildirim di peyama xwe da wiha got:

"Me ji kesên ku xwestin em destê alîkariyê dirêjî wan bikin pirsa ol, bawerî û nîjada wan nekir. Em ê îro jî û sibê jî li cem wan bin. Me guhên xwe ji hewarên ku ji çar aliyên dinyayê tên negirtin û em ê negirin jî. Lewra em hêviya mezlûman in, lewra em Tirkiye ne.

Yildirim digel vê peyamê wêneyeke ku li kampa penaberan a li Îslahiyeya navçeya Dîlokê hatiye girtin jî parve kir. Di wêneyê da çend zarokên ku li ber Çadira Kizilaya Tirkiyeyê sekinîne û dikenin hene.