Li bajarê Xoyê 7 caran erdhej pêk hat

Erdhejek bi hêza 4.3 û piştre 6 paşhejan bajarê Xoyê li bakûrê parêzgeha Ûrmiyeyê hejand.

Li gor rapora Kurdpress`ê ji zarê navenda erdhejnîgariya Zanîngeha Tehranê, ev erdhej îro di demjimêr 15 û 17 xulekan de li bajarê Xoyê pêk hat.

Li gor ragihandina navenda erdhejnîgariyê erdhej di kûraniya 10 km de û li bakûrê rojhilatê Xoyê rû daye.

Li gor agahiyan erdhej bûye sedema xof û tirsa xelkê herêmê.

Herwiha piştî vê erdhejê, 6 paşhejên din jî pêk hatin ku hêza wan di navbera 1.7 heta 3.4 pileyan de bû.