HSD ber bi paytexta DAIŞ`ê ve diçe

Li gor rapora Servîsa Kurmancî ya Kurdpress`ê ji zarê medyayên ser bi PYD`ê, Operasyona Hêzên Sûriyeya Demokratîk (HSD) a bi navê 'Tolhildana Êlîn û Cûdî' di roja 4emîn de bi awayekî serketî dewam dike.

Li gorî agahiyên ku ji herêma operasyonê hatine bidestxistin, heta niha herêmeke ji 153 km ji terorîstên DAIŞê hatiye paqijkirin. Di şer de gelek çek û cebilxane jî hatine bidestxistin.

Çek û cebilxaneyên hatine desteserkirin

"Wesayîteke Jeep, wesayîteke Va, 3 çekên BKC, 2 sindoqên guleyên BKC, 2 RPC, doçkayek 12.5, 5 sindoqên guleyên doçkayan 12.5, doçkayek 14.5, 3 zincîrên doçka, 11 hawanên 60 mm, 20 roket û alavên wê, 8 keleşkof, 1000 guleyên keleşkofan, 2 êlekên xwekujiyê, 3 bombeyên ku bi destan hatine çêkirin, çend bombeyên cûr bi cûr û 3 motorsîklet.

Her wiha hat ragihandin ku operasyona HSDê ya li dijî grûbên terorîst bi hemû hêza xwe didome.