Balyozxaneya Îranê ya li Enqereyê hişyarî da welatiyên Îranê

Balyozxaneya Îranê ya li Enqereyê bi daxuyaniyekê, careke din welatiyên xwe yên li Tirkiyeyê hişyar kir.

Li gor rapora Kurdpress`ê di daxuyaniyê de wiha hatiye gotin: Her wekî daxuyaniyên berê, em careke din ji hevwelatiyên xwe yên li Tirkiyeyê û herwiha misafirên ku dixwazin serdana Tirkiyeyê bikin, dawaz dikin ku di serdanên xwe yên ji bo wî welatî de ji cihên qerebalix dûr bikevin û hişyarî û şert û mercên ewlehiyê yên rayedaran berçav bigirin.

Herwiha em ji welatiyên xwe re tendirustiyê hêvî dikin û daxwaz dikin ku her gava ku ji wan re pirsgirêk an bûyerek çê bû, demildest li gel balyozxane yan konsulxaneyên Komara Îslamî ya Îranê pêwendiyê bigirin.