Pêşnimêjê Mihabadê: Divê ji bo hilbijartineka dirust, hest û tasîbên çewt neyên berçavgirtin

Pêşnimêjê Mihabadê got: Divê ji bo hilbijartina baş a namzedan, hest û tasîbên çewt neyên berçavgirtin. Parlementerên lawaz dibin sedema lawazbûna welêt.

Li gor rapora Kurdpress`ê Mela Qadir Suhrabî di xutbeyên nimêja înê ya Mihabadê de bal kişand ser hilbijartinên 26`ê sibatê û beşdarbûna gel di hilbijartinan de, ji gel xwest ku ji bo hilbijartina dirust a namzedan, hest û tasîbên çewt berçav negirin û kesên bihêz û bişiyan ji bo parlemento û meclîsa xubriganê hilbijêrin.

Mela Qadir Suhrabî herwiha bal kişand ser propagandayên namzedên hilbijartinan û ji wan daxwaz kir ku di dema terxankirî de propagandaya xwe bikin û ji bo parastina paqijiya bajêr tabelo û posterên xwe di cihên taybet daliqînin.