هیمالیاوانی بەرچاوی کرماشانی بوویە "کەژوانی سەردەم"

بە پیی هەواڵی کوردپرێس، لە ئاهەنگی کۆتایی سێهەمین مێهرەجانی سەرکەوتنە سەرترەکاندا کە ڕۆژی دووشەممە ١٤ی پووشپەڕی ٩٥ لە هۆڵی "شەهید قەندی"ی وەزارەتی پەیوەندییەکان بەڕێوەچوو، لە ڕەزا شەهلایی وەکوو هیمالیاوان و "کەژەوانی سەردەم" بە پێشکەش کردنی بیرئانینی مێهرەجانەکە و لەوحی سپاس، ڕێز گیرا.

هەروەها قوڵنگەی سیمبۆلیکی مێهرەجانەکە بەم کەژەوانە بەرچاوە کرماشانییە کە سەرکەوتن بۆسەر ٤ لووتکەی سەروو ٨ هەزار مەتری لە کارنامەی خۆیدا هەیە پێشکەش کرا.

دەقی ڵەوحی ڕێزلێنانەکە بەمجۆرەیە: ڕێزدار و هێژا ڕەزا شەهلایی، هەوڵی پڕبایەخ و تێکۆشانی جێی پەسندی بەڕێزتان لە بواری کەژەوانی و هیمالیاوانی، بەتایبەت لەپێناو وەدیهێنانی شانازیگەلێکی پڕبایەخ و نەمر بۆ ئێرانی ئازیز و شەکاوە کردنی ئاڵای پیرۆزی وڵاتەکەمان لە بەرزایی لووتکە بڵیندەکانی جیهاندا، بەرز ڕادەگرین. بۆمان جێی شانازییە هاوکات لەگەڵ بەڕێوەچوونی سێهەمین مێهرەجانی سەرکەوتنە سەرترەکانی کەژوانی و سەرکەوتنە وەرزشییەکانی ساڵی ٩٥ لە بەڕێزتان وەکوو "کەژوانی سەردەم" ڕێز بگرین، هیوامان وایە لە سێبەری پەروەردگاردا سەرکەوتنەکانی ئەم بوارەتان زێدە بەردەوام بێت."

"ڕەزا زارعی سەرۆکی فێدراسیۆنی کەژوانی و سەرکەوتنە وەرزشییەکانی کۆماری ئیسلامی ئێران"

ڕەزا شەهلایی ساڵی ١٣٣٨ لە کرماشان لەدایک بووە و سەردەمی دواناوەندی لە تاران و سەردەمی خوێندکاریشی لە مەشهەد نیشتەجێ بووە.

بە هۆی هۆگرایەتی زۆری کێو و سرووشت هەر لە ساڵی ٦٠ەوە جیددیتر شوێن کاری کەژوانیی کەوتووە و بە کەڵک وەرگرتن لە ئەزموونی پێشەنگانی کەژوانی کرماشان سەر و خواری ئەم وەرزشە فێر بووە. ئەم کەژوانە بەرچاوە کرماشانییە پاش تێپەڕاندنی خولی فێرکاری جۆراوجۆر ئێستا بڕوانامەی ڕاهێنانی ژمارە ٢ی سەهۆڵ و بەفر و بەردەوانیی فێدراسیۆنی کەژوانیی هەیە.

شەهلایی بۆسەر ٤ لووتکەی بەرزتر لە ٨ هەزار مەتر سەرکەوتووە کە بریتین لە: "ئێڤێرێست" بەرزترین لووتکەی جیهان بە بەرزایی ٨٨٤٨ مەتر، "کەی ٢" دووهەمین کێوی بەرزی جیهان بە بەرزایی ٨٦١١ مەتر، "کان چونکا" سێهەمین لووتکەی بەرزی جیهان بە ٨٥٨٦ مەتر بەرزاییەوە و "ئاناپورنا" بە ٨٠٩١ مەتر بەرزاییەوە.