Nivîskarê îmaratî: Erdoxan siltanê binketî ye

Nivîskarekî îmaratî serokkomarê Tirkiyeyê Receb Tayîb Erdoxan wekî ‘siltanê binketî’ bi nav kir.

Li gorî rapora Kurdpress`ê ji zarê ANHA`yê, nivîskarê îmaratî Raşid Salih El-Irêmî got ku Erdoxan bi gotina “Birayê min” bang li Beşar Esed dikir lê piştre di kêliyekê de lê qulipî û bû dijminê wî.

Ev nivîskarê îmaratî dibêje ku Erdoxan texmîn dikir ku rejîma Esed di zûtirîn dem de were hilweşandin û ji ber vê yekê komên ‘terorîst’ li gel xwe hewand û bi awayekî bê serûbin piştgiriya wan kir.

Raşid El-Irêmî di gotara xwe ya ji bo Rojnameya El-Heyat de Erdoxan wekî ‘Siltanê binketî’ bi nav dike û dibîne ku hemî polîtîkayên Erdoxan yên li hemberî kurdan berovajî bûn.