فهرماندهی پێشووی هێزی ئاسمانی سوپای تورکیا دهستههبوونی خۆی له کوودهتاکه ڕهتکردهوه

بهپێی ههواڵی کوردپرێس به گێڕانهوه له دهیلی سهباح، تۆمهتباری سهرهکی کوودهتای بێ ئاکامی 15ی جووڵای تورکیا تاوانهکانی خۆی لهبارهی بهشداریی له ڕووداوهکانی 15 و 16ی جووڵای، که کوژرانی 208 کهس و برینداربوونی نزیک به 1500 کهسی بهدواوه بوو، ڕهتکردهوه.

ژێنڕاڵ ئاکین ئۆزتورک فهرماندهی خانهنشین کراوی هێزی ئاسمانی سوپا و ئهندامی ئهنجومهنی باڵای سهربازی له سێ بڕگهی لێپێچینهوهی خۆی له دادستێنی ئهنقهره ڕایگهیاندووه که ناوبراو ئهو کوودهتایهی دانهڕشتووه و بهرهوپێشهی نهبردووه.

دادگهیهک له ئهنقهره 26 ژێنڕاڵ و لهوان ئۆزتورکی به تۆمهتی پهیوهندی لهگهڵ کوودهتا دهستگیر کرد.

ناوبراو له لێپێچینهوهکاندا وتی: "من کهسێک نیم که کوودهتای 15ی جووڵای داڕشتبێت و ڕێبهری کردبێت. من نازانم چ کهسێک ئهو کوودهتایهی داڕشتووه و ڕێبهرایهتی کردووه."

ناوبراو زیادی کرد: "ژێنڕاڵ هۆلۆسی ئاکار سهرۆکی ناوهندی فهرماندهیی گشتی هێزه چهکدارهکان، عابدین ئۆنال فهرماندهی هێزی ئاسمانی، یاشار گولهر جێگری ناوهند و ژێنڕاڵهکانی دیکهی هێزی ئاسمانی که لهوێدا بوون، بینیان که من لهم کوودهتایه بهشداریم نهکردووه."

ناوبراو جهختی کرد: "به ئهزموونی من پێکهاته هاوتهریبهکان ئهم کوودهتایهیان ئهنجام داوه، بهڵام من نازانم چ کهسێک له سوپا پلانڕیژی بۆ سهرجهم ئهم ڕووداوانه کردووه."

ژێنڕاڵ ئاکین ئۆزتورک لهبارهی فهتحوڵڵا گولهن زانای ئیسلامی تورک که دانیشتووی ئهمریکایه، ڕاشیگهیاند: "کوودهتای سهربازی کاری ئهو بیانیانهیه که دهیانهوێت تورکیا لاواز بکهن. کهسێک که له پنسیلوانیایه هێزی ئهوهی نییه که فهرمانی کارێکی وا بدات."