DAÎŞ`ê komkujiyeke din pêk anî

DAIŞ`ê li gundê Hewîceyê ya ku li başûrê rojavayê Kerkûkê dikeve 85 kes înfaz kirin.

Li gorî agahiyên rêxistinên mafên mirovan DAIŞ`ê li gundê Hewiceyê 85 kes înfaz kirin ku behtirê wan jin û zarok bûn. Herwiha bi hezaran kesên ku di destê DAIŞ`ê de dîl girtî ne jî wek mertalên zindî têne bikaranîn.

Cenazeyê 85 kesên ku ji aliyê DAIŞ`ê ve hatine înfazkirin hêj di destê DAIŞ`ê de ne.

Komîsyona Mafên Mirovan ya Neteweyên Yekbûyî, roja înê ragihandibû ku li bajarê Kerkûkê bi qasî 3 hezar sivîl di destê DAIŞ`ê de hêsîr in.