Îdiyanameya der heqê Demirtaş, Yuksekdag û Beştaş de amade ye

Serdozgeriya Komarê ya Edeneyê der heqê Hevserokên Giştî yên HDP`ê Selahedîn Demirtaş û Fîgen Yuksekdag û alîkara hevserokên giştî Meral Daniş Beştaş de 5 îdiyanameyên cihê amade kirine.

Li gorî rapora Kurdppress`ê ji zarê AA`yê, hat ragihandin ku sSerdozgeriya Komarê ya Edeneyê der heqê hevserokên giştî yên HDP`ê Selahedîn Demirtaş û Fîgen Yuksekdag û alîkara hevserokên giştî Meral Daniş Beştaş da ji ber sûcên " propagandaya rêxistina terorê, piçûkxistina dewletê, hikûmet, dezgehên darazê, teşkîlata leşkerî û emniyetê ya Komara Tirkiyeyê" 5 îdiyanameyên cihê cihê amade kirine û ji 6 mehan heta 5 salan cezayê girtinê jib o wan tê xwestin.

Li gorî daxuyaniya nivîskî ya serdozgeriyê, piştî ku parêzbendî hatin rakirin û biryar di rojnameya fermî da hat weşandin, fezlekeyên Demirtaş, Yuksekdag û Beştaşê ji Serdozgeriya Komarê ya Edeneyê re hat şandin.