Li dijî karwana Kiliçdaroglu êriş pêk hat

Karwana serokê giştî yê CHP`ê di dema ku ber bi bajarê Artvînê ve diçû li nêzîk navçeya Ardanuçeyê rasta êrişê hat û di encamê de 3 leşker birîndar bûn.

Li gorî rapora Kurdpress`ê ji zarê Rûdaw`ê, serokê giştî yê Partiya Gel a Komarî (CHP) Kemal Kilaçdaroglu ji bo bernameya xwe ya li Artvînê bi firokeyê çû bajarê Qersê. Ji wê der re bi rêya bejayî derbasî navçeya Şavşat a Artvînê bû û ji welatiyan re axivî.

Dema ku karwana Kemal Kiliçdaroglu ber bi Artvînê diçe di navbera navçeyên Şavşat û Ardanuçê yên Artvînê êrîşa çekdarî pêk hat.

Parêzvanên Kiliçdaroglu bersiva êrîşê dan û pevçûn di navbera wan û êrîşkaran de derket.

Şêwirmendê Kiliçdaroglu got: Êriş yekser li hemberî karwana wan nehatiye kirin û ew li ser rê rastî pevçûnê hatine.

Wezîrê Navxwe yê Tirkiyê Efkan Ala jî derbarê bûyerê de daxuyanî da.

Efkan Ala ragihand ku êriş li wesayîta leşkerî ya ku karwana CHP`ê diparast hatiye kirin.

Di encamê de ajokarê wesayîta leşkerî û 2 efserên din birîndar bûn.

Herwiha Efkan Ala got êriş ji aliyê gerîlayên PKK`ê ve hatiye encamdan.

Kiliçdaroglu bi rêya telefonê beşdarî bultena CNN Turkê bû û dazanîn ku rewşa wî baş e.

Li gor nûçeya NTVyê Kiliçdaroglu bi wesayîta bizirx ji cihê bûyerê hatiye dûrxistin.