HPG: Li Cizîrê 118 hêzên ewlehiyê hatin kuştin

Baskê leşkerî yê PKK`ê Hêzên Parastina Gel (HPG) ragihand ku di êrîşa xwekujî ya li navçeya Cizîrê ya Şirnexê de 118 endamên hêzên ewlekariya Tirkiyeyê hatine kuştin.

Li gorî rapora Kurdpress`ê ji zarê Rûdaw`ê, duh danê sibê di emjimêr 06:40`î de li navçeya Cizîrê, li dijî xala kontrolê ya 50 metreyan nêzîkê Rêveberiya Ewlekariyê ya Polêsan, bi kamyonek bombebarkirî êrîşek hatibû lidarxistin.

Navenda Çapemeniya HPG`ê derbarê vê çalakiyê de daxuyaniyek belav kir û ragihand ku di êrişê de bi tevê xala kontrolê ya polêsan, Rêveberiya Ewlekariyê, Avahiyên Ewlekariyê, Rêveberiya Hêzên Çewîk, mala Qaymiqam û avahiya MIT`ê bûne hedef.

HPG`ê îdiya kir ku di encama êrişê de 118 endamên hêzên ewlekariya Tirkiyeyê hatine kuştin û 152 kes jî birîndar bûne.

Di daxuyaniyê de hate gotin ku êriş ji aliyê gerîlayê bi navê Mustafa Aslan a bi nasnav Firat Pirsûs ve hatiye encamdan.

Hêjayê gotinê ye ku Walitiya Şirnexê ragihandibû ku di êrîşê de 11 polês hatine kuştin û 3 jê polês, 78 kes jî birîndar bûne.