دوو کۆمپانیای نێونهتهوهیی، بارودۆخی دارایی حکوومهتی ههرێمی کوردستان تاوتوێ دهکهن

بهپێی ههواڵی کوردپرێس به گێڕانهوه له ماڵپهڕی ههواڵی SNN، دوو کۆمپانیای گەورەی نێودەوڵەتی بۆ پشکنین لە داھاتی نەوت، گەیشتنە ھەرێمی کوردستان.

سەفین دزەیی وتەبێژی فهرمیی حکوومەتی ھەرێمی کوردستان ڕایدەگەیەنێت: مەرجەکانی ئەو کۆمپانیایانە زۆری تێدەچێت لەڕوی مادییەوە، "بەڵام بۆ ئەوەی ببینە جێگەی متمانەی نێودەوڵەتی ئاساییە ھەرچەند بێت ئەو تێچوە داراییە".

ناوبراو ئاشکرای کرد: لەسەرتاسەری وڵاتانی جیھاندا چوار کۆمپانیای وردبینی لە داھات و پارەی وڵاتاندا ھەیە، "که لەئێستادا دوان لەوانە لە کوردستانن".

دزهیی ڕایگهیاند: "ئێمە لە ھەرێمی کوردستان داوامانکرد کۆمپانیا متمانە پێکراوەکان و سندووقی نەختی نێودەوڵەتی، مەرجەکانی خۆیان لەسەر ھەرێم فەرز بکەن بۆ ئەوەی چاکسازیی بکەین و کاریگەریی چاکسازیەکانیش لە ئێستا دەرناکەوێت لە داھاتودا ھەمووان دەیبینن".

ناوبراو ههروهها سەبارەت بەو کۆمپانیایانەش کە لە ھەرێمن زیادی کرد: "دوو کۆمپانیای گەورەی دارایین، ئەوان وردبینی دەکەن و چاودێری داراییش کاری خۆی دەکات. لە ٢٠٠٣وە تا ئێستا چاودێریی دەکەن، ئەوانیش ھەریەک لەکۆمپانیاکانی (دلوەیت و ئێرنست)ن".

وتەبێژی فهرمیی حکوومەتی ھەرێمی کوردستان ههروهها ئەو تێچوە داراییەش کە ئەو دوو کۆمپانیایە دەیانبێت، بە شتێکی ئاسایی زانی و وتی: " ڕاستە زۆری تێدەچێت، بەڵام بۆ ئەوەی ببینە جێگەی متمانەی نێودەوڵەتی، ئاساییە ھەرچەند بێت".

دزهیی سەبارەت بە کاری ئەو کۆمپانیایانەو ئامانجی حکوومەتی ھەرێم وتی: "زۆر لایەنی سیاسی پرسی داھاتی ھەرێمیان وەکوو موزادەی سیاسیی بەکاردەھێنا، بۆیە دەمانەوێت ئەو دوو کۆمپانیا نێودەوڵەتیەی بواری وردبینیی داھات ئەو پرسە یەکلایی بکەنەوە".