Îdiya/ Artêşa Tirk li gundê Sirêsatê jî komkujieke din pêk anî

Artêşa li gundê Sirêsat ê Cerablusê jî komkujiyek pêk anî. Di encamê de bi dehan sivîlan jiyana xwe ji dest dan.

Li gorî rapora Kurdpress`ê ji zarê ANHA`yê, Artêşa Tirk ku li gundê Bir El-Kûsa yê Cerablusê komkujiyek pêk anîbû, li gundê Sirêsatê Cerablusê komkujiyek din jî pêk anî. Her du gund jî li başûrê bajarê Cerablsuê dikevin.

Çavkaniyan dan zanîn ku bi dehan şêniyên gund di encama êrîşên balafirên şer û tankên Artêşa Tirk de jiyana xwe ji dest dan.

Bi vê yekê Artêşa Tirk di nava 3 saetan de li gundên Cerablusê du komkujî pêk anîn.