Nûçeya binçavkirina sîxurê ku di tîma gotûbêjên navokî de cih digirt hat piştrastkirin

Berdevkê Saziya Dadê ya Îranê nûçeya derbarê binçavkirina sîxurê ku di tîma gotûbêjên navokî yên Îran û 5+1`ê de cih digirt, piştrest kir.

Li gorî rapora Kurdpress`ê, Ejeyî, berdevkê Saziya Dadê ya Îranê îro, yekşemiyê di civîneke rojnamevanî de pirsa rojnamevanekî ya derheqê nûçeya binçavkirina kesekî bi tawana sîxurtiya di gotûbêjên navokî de bersivand û got: Nûçeya derbarê binçavkirina kesekî ku di tîma gotûbêjên navokî yên di navbera Îran û 5+1`ê de cih girtiye, rast e, û ev kes piştî çend rojan hat berdan. Lê ya ku gelo ev tawana lê hatiye barkirin dirust e yan na, mijareke din e.

Li gorî rapora Kurdpress`ê di rojên derbasbûyî de hin çavkaniyên medyayê ragihandibûn ku kesekî ku di tîma gottûbêjên navokî yên Îran û 5+1`ê de cih digirt, hatiye binçavkirin.