Ji sedî 70`yê jinên kurd ên parêzgeha Sineyê nexwendî û kêmxwendî ne

Seroka Rêxistina Jinên Zanbar ên Kurdistanê got: ji 765 hezar jinên parêzgeha Sineyê, %20 nexwendî, %50 kêmxwendî û %30`yê wan jî xwendî ne û çûne zanîngehan.

Li gorî rapora Kurdpress`ê, Fatime Suhrabî seroka Saziya Jinên Zanbar ên Kurdistanê di hevpeyvîna li gel nûçegîhana me de ragihand: Saziya Jinên Zanbar ên Kurdistanê di sala 2009`an de ji aliyê Rêxistina Propagandayên Îslam ve bi armanca beşdariya xurt a jinan di warê olî de hat damezirandin.

Suhrabî bal kişande ser nifûsa parêzgeha Sineyê û asta xwendina jinan û wiha pê de çû: Li gorî hejmarên herî dawî ku di sala 2015`an de hatine girtin, nifûsa parêzgehê milyonek û 561 hezar kes e. Ji vê hejmarê 765 hezar kes jin in ku %20`ê wan nexwendî, %50 kêmxwendî û %30`yê wan jî xwendî ne û çûne zanîngehan.