Rêberê Komara Îslamî ya Îranê ji misilmanên cîhanê re got: Ji ber zilma Erebistanê, ji bo hecê fikrekê bikin

Rêberê Komara Îslamî ya Îranê ji bo hemî misilmanê cîhanê û heciyan peyamek weşand û got: Pêwîst e ku cîhana îslamê ji ber kiryarên zalimane yên Erebistanê ji meseleya hecê re fikrekê bike.

Li gorî rapora Kurdpress`ê ji zarê malpera ragihandinê ya ofîsa rêberê welêt, ayetulah Xamineyî, rêberê Komara Îslamî ya Îranê bi boneya nêzîkbûna heyama hecê re ji misilmanên seranserê cîhanê û heciyan re peyamek weşand.

Ayetulah Xamineyî di peyama xwe de heca Birahîm pêxember wekî sembola keramet û mezinahiya gelên misilman li hemberî zorbêjan daye zanîn û karesata Mînayê bi bîr xistiye û wiha gotiye: Divê cîhana îslamê, hemî gel û hikûmetên misilman desthilatdarên Siûdî baş nas bikin û ji ber cinayetên wan ên li dijî misilmanan ji wan hesab bipirsin û ji bo meseleya hecê fikrekê bikin.