دامەزارنی پارکی بلیمەتانی کرماشان یارمەتیی بەرزبوونەوەی فەرهەنگی خۆجێی دەدات

دوکتۆر فەڕشید نەمامیان له وتووێژ لەگەڵ هەواڵنێری کوردپرێس، وێڕای ئاماژه به نێونانی ئەوساڵ له لایەن رێبەری مەزنی شۆڕش وەک "ساڵی ئابووری خۆڕاگرانە، هەڵمەت و کار"، ڕایگەیاند: "ئابووری خۆڕاگرانە، هەڵمەت و کار" واته تەگبیری دروست، پلانداڕشتنی درێژخایەن و گرینگیدان به فەرهەنگی خۆجێی، ناوچەکه.

ناوبراو وتیشی: هەرچی فەرهەنگی خۆماڵی و خۆجێی بەرز بێتەوه، ئەوه خەڵک زیاتر پابەندی بواری ئابووری خۆڕاگرانە دەبن.

مامۆستای یاریدەدەری زانکۆی ئازادی ئیسلامی لقی کرماشان جەختی کردەوه: یەکێک لەو نمونانەی وا یارمەتیدەری هەڵکشاندنی ئاستی فەرهەنگی خۆماڵی، و خۆجێیی وڵات و بەتایبەت شاری کرماشانه، دامەزراندنی پارکی بلیمەتانه له کرماشان.

ناوبراو وێڕای ئاماژه بەوەی که دامەزراندنی پارکی بلیمەتان به واتای دامەزراندنی پارکێک به هەموو پێوەره خۆماڵی و خۆجێییەکانەوه دێت، جەختی کردەوه: دامەزراندنی پارکی بلیمەتان به واتای دامەزراندنی باخێکی ئێرانی دێت که لە ناوچه و فەرهەنگی کرماشان دەکاڵێەوه.

دوکتۆر نەمامیان زیادی کرد: لەم باخه ئێرانییەدا دەبێ پەیکەری بلیمەتانی کرماشان و ئەو بلیمەتانەی وا خزمەتیان به دانیشتووانی ئەم پارێزگا کردووه لەوانه فەرماندەکانی 8 ساڵ بەرەڤانی پیرۆز دابەسترێت.

ناوبراو زیادی کرد: پاش دامەزراندنی باخی بلیمەتان دەبێ ئەم شوێنه به خەڵکی پارێزگا و سەرتاسەری وڵات بناسێنین.

ئەندامی لێژنەی زانستی زانکۆی ئازادی ئیسلامی لقی کرماشان، بینای ئێستای شارەوانی کرماشانی به شوێنێکی گونجاو بۆ دامەزراندنی ئەم پارکه ڕاگەیاند و وتیشی: پێگەی جوگرافیایی و فەزای باخەکه وەک شارەوانی کرماشان باشترین شوێنه بۆ دامەزراندنی باخی بلیمەتان لەم پارێزگایه.

ناوبراو له کۆتاییدا وەبیری هێنانەوه: باخی بلیمەتانی کرماشان فەرهەنگی خۆماڵی و خۆجێی پارێزگا دەگوازێتەوه بۆ سەرتاسەری وڵات و هەروەها بۆ سەردەم و چاخەکانی داهاتوو.