Tabelaya kurdî li ser nerazîbûnan şûnve hat daliqandin

Piştî ku ji bo şaredariya navçeya Giyadîn a Agiriyê qeyûm hat tayînkirin wekî karê yekemîn tabelaya kurdî ya şaredariyê hatibû rakirin. Li ser nerazîbûnan tabelaya kurdî şûnve hat daliqandin.

Li gorî rapora Kurdpress`ê, tabeleya kurdî ya ji hêla qeyûmê hat tayînkirin Mekan Çevîren ve hatibû rakirin, li ser bertekan careke din şûnve hat daliqandin.

Piştî tayînkirina qeyûmê Çevîren pêşî tabelaya şaredariyê ya bi du zimanî rakiribû, alên tirk li tevahî şaredariyê daliqandibû û rê li ber kişandina dîmenên dagirkeriyê vekiribû.