ڕێوڕهسمی کردنهوهی شهشهمین مێهرهجانی سهرتاسهری دهف ژهنی له سنه

ڕێوڕهسمی کردنهوهی شهشهمین مێهرهجانی سهرتاسهری دهف ژهنی له سنه

ڕۆژی چوارشهممهی ڕابردوو شهشهمین مێهرهجانی سهرتاسهری دهف ژهنی "دهف ئاوازی ڕهحمهت" به ئامادهبوونی ژمارهیهک له بهرپرسانی پارێزگا، هونهرمهندان و گرووپهکانی دهف ژهنی له سهرانسهری وڵات له پهردیسی سینهما بههمهنی سنه کارهکانی دهستپێکرد. ئهو مێهرهجانه به ئامادەبوونی هونەرمەندان و گرووپگەلێک له 21 پارێزگای وڵات بهڕێوهچوو و ماوهی سێ ڕۆژ له دوو بهشی تاکژهنی و به کۆمهڵ ژهنینی پیاوان و ئافرەتان و له پۆلی تەمەنی مێرمنداڵان (13 بۆ 19 ساڵ) و گەورەکان (19 ساڵ بەرەو سەر) لهگهڵ یهکتر ڕکابهرییان کرد. شیاوی ئاماژهیه که لیژنهی داوهرانی ئهو مێهرهجانه پێکهاتوو له بیژهن کامکار، سهیید عهلا یاساینی، شوکروڵڵا حهیاتی و مههدی ئهحمهدی مهورده و ڕۆژی ههینی 26ی مانگی خهرمانان به ناساندنی ههڵبژێردراوان و ڕێزگرتن له حهمیدڕهزا ئهردهڵان مامۆستای بهناوبانگی مۆسیقای وڵات و کوردستان له پهردیسی سینهما بههمهنی سنه کۆتایی به کارهکانی خۆی هێنا.
وێنه و ڕاپۆرت: بهختیار سهمهدی