Qasim Şeşo: Eger PKK hêzên xwe ji Çiyayê Şengalê nekişîne, Tirkiye wê êriş bike

Fermandeyê Pêşmerge li Çiyayê Şingalê dibêje eger PKK hêzên xwe ji Çiyayê Şingalê dernexîne tirsa wê heye ku Tirkiye êrişî wêderê bike.

Li gorî rapora Kurdpress`ê ji zaê Bas News`ê, fermandeyê pêşmerge li Çiyayê Şingalê Qasim Şeşo ji malpera iraqî ya “SomeriaNews” re ragihandiye ku hêzên PKK`ê li Çiyayê Şingalê roleke negatîf dilîzin ji ber ku ew der tûşî metirsiyê kirine.

Qasim Şeşo her wiha gotiye: Eger PKK hêzên xwe ji Çiyayê Şingalê dernexîne tirsa wê heye ku Tirkiye êrişî wir bike û wêderê bike meydana şer.

Şeşo aniye ziman ku piraniya kurdên êzidî naxwazin PKK li Çiyayê Şingalê bimîne lê PKK li wêderê serbazgeh ava kiriye û bi dehan keç û xortên êzidî çekdar kirine, ev jî li dijî qanûnên navdewletî ye.

Wî fermandeyê êzîdî daye zanîn ku PKK xem û kulên kurdên êzîdî bo berjewendiyên xwe yên teng bikar tîne.