Pêşnimêjê Şinoyê li hember bûyerên Çarşema Sor nerazîbûn nîşan da

Pêşnimêjê bajarê Şinoyê li hember bûyerên ku berî Çarşema Sor li vî bajarî rû dan nerazîbûn nîşan da û got: Nabe ku em bi behaneya cejnê, xelkê aciz bikin û jiyana xwe bikin talûkeyê.

Mamosta Seyid Mistefa Xatemî di hevpeyvîna li gel Kurdpress'ê de li hember bûyerên Çarşema Sor nerazîbûn nîşan da û got: Ji ber ku tê payîn ku du cejnên Çarşema Sor li vî bajarî bên lidarxistin, em ji pêşnimêjan dixwazin ku di beşek ji xutbeyên xwe yên înê de li ser birêveçûna van cejnan ku xeletiyên dîrokî ne, biaxivin.

Wî herwiha got: Bikaranîna teqemeniyan ku bû sedema mirina ciwanekî Şinoyî, gelê bajêr xemgîn kir.

Xatemî herwiha got: Ez ji hemî malbatan daxwaz dikim ku di cejna Çarşema Sor a hefetya din li zarokên xwe miqate bin da ku xwedênekirî bûyerên nexweş deekevin holê û cejn li wan nebe şîn.