120 زۆرانباز بۆ بەشداری لە پێشبڕکێکانی پاڵەوانێتی جیهانی زۆرانبازی دەگەنە کرماشان

بە پێی هەواڵی کوردپرێس، پێشبڕکێکانی پالەوانێتی زۆرانبازیی 2017 لە رۆژانی 28 و 29ی رێبەندان بە میواندارێتیی پارێزگای کرماشان لە هۆڵی وەرزشیی ئیمام خومەینی (رە)ی ئەم شارە بەڕێوەدەچێت.

لەم پێشبڕکێیانەدا 120 زۆرانبازی جیهان لە ئەمڕۆوە لە قەوارەی ٨ یانە لە وڵاتانی ڕووسیا، تورکیا، گورجستان، ئەمریکا، ئازەربایجان، مەغولستان، هیندستان و وەرزشکارانی وڵاتەکەمان دەگەنە کرماشان، هەتا بۆ مسۆگەرکردنی پلەی پاڵەوانێتی جیهانی پێکەوە ڕکابەری بکەن.

لە پێشبڕکێکانی پاڵەوانێتی جیهانی زۆرانبازیی 2017ی کرماشان، ٨٠ میوانی تایبەتی ناوخۆ و دەرەوەی وڵات بەشدار دەبن.

بە پێی پلانە ڕاگەیێندراوەکان، بەیانی 27ی رێبەندان، دانیشتنی لیژنەی داوەران، سەرپەرشتانی یانەکان، کۆنتڕۆڵگەلی پزیشکی و دیاری کردن کێشەکان لە کاتژمێری 14دا ئەنجام دەدرێت.

هەروەها رۆژی پێنجشەممە 28ی رێبەندان پێشبڕکێکانی خولی یەکەم، ڕێوڕەسمی کرانەوە و پێشبڕکێکانی خولی دووهەم بەڕێوە دەچێت.

پێشبڕکێکانی خولی سێهەم، پلەبەندی و فیناڵ بەرنامەکانی رۆژی دووهەم و کۆتایی دەبن.

بۆ بەڕێوەچوونی ئەم پێشبڕکێیانە لە کرماشان گوژمەیەکی 1 ملیارد و 200 میلیۆنی تەرخان کراوە، هەروەها 400 میلیۆن تمەنیش بۆ نۆژەنکردنەوە و تەیارکردنی یاریگای ئیمام خومەینی (رە)، شوێنی بەڕێوەرچوونی پێشبڕکێکان، خەرج کراوە.

شیاوی ئاماژەیە؛ 7 هەزار و ٢٠٠ بلیت بۆ ئەو پێشبڕکێیانە ڕەچاو گیراوە کە فرۆشەکەی بە شێوەی ئینتەرنێتی و لە رێگای ماڵپەڕی sport.ir19دەبێت.