Şaredarê Kirmaşanê ji kar hat avêtin

Şaredarê Kirmaşanê ku 9 meh berî niha ji aliyê endamên desteya rêveber a bajêr ve hatibû hilbijartin, êvara îro ji aliyê heman desteyê ve ji kar hat avêtin.

Li gor rapora Kurdpressê, Ebdulriza Şebanî, bijîşk û serhengê teqawit, ku nîsana 2015`an ji aliyê desteya birêveber a bajarê Kirmaşanê ve wek şaredarê vî vajarî hatibû hilbijartin û piştî du mehan bi awayekî fermi hatibû nasandin.

Sala derbasbûyî jî di vê rojê de Qurbanî şaredarê wê demê yê Kirmaşanê dev ji kar berda û ev devjikarberdana wî ji aliyê desteya birêveber a bajêr ve hatibû pejirandin û piştre şaredariya bajêr bi qasî 4 meh û 4 rojan di destê Elîheyder Keremî de bû.

Endamên desteya birêveber a bajêr Emîr Rehîmî, cîgirê şaredar, bi awayekî demkî ji bo şaredariya Kirmaşanê destnîşan kirin da ku di rûniştina din de şaredarê bajêr hilbijêrin.