Sporvanê kurd ê Îlamî di reva marathonê de li Îranê bû qahreman

Sporvanê kurd ê Îlamî di duyemîn dewreya reva marathona Îranê de qahremanî bi dest xist û bû yekem.

Li gor rapora Kurdpress'ê Îhsan Zeynîvend ê xelkê bajarê Dereşehera ser bi parêzgeha Îlamê di duyemîn dewreya reva marathona Îranê ku di bin navê Kûpaya Hurmizê li Benderebasê hat lidarxistin de bû yekem û mîdalyaya zêrîn bi dest xist.

Piştî Îhsan Zeynîvend, Hemîd Qemerî û Ferzullah Rustemî, herdu jî ji parêzgeha Qezvînê, karîn pileya duyem û sêyem bi dest bixînin.

Îhsan Zeynîvend berî vê jî di gellek pêşbirkên di asta welêt de gellek serkeftinên din bi dest xistibû.