ئێران دژی هەر جۆرە هەوڵێک بۆ بەڕێوەبردنی ڕێفراندۆمی جیابوونەوەی بەشێک لە عێراقە

بە پێی هەواڵی کوردپرێس لە نووسینگەی رێبەری باڵا، ئایەتوڵڵا خامنەیی رێبەری باڵای شۆڕشی ئیسلامی ئێوارەی ئەمڕۆ سێ شەممە لە دیدار لەگەڵ حەێدەر عەبادی سەرۆک وەزیرانی عێراق و وەفدی هاوڕێی، بە ڕێزگرتن لە یەکگرتوویی هەموو ڕەوتە سیاسی و مەزەبییەکانی عێراق لە بەرەنگاریی داعش، هێزی مەدەنیان بە دیاردەیەکی گرنیگ و پیرۆز و هۆکاری بەهێزیی عێراق وەسف کرد.

رێبەری باڵای شٶڕش بە ئاماژە بە بوونی هێزەکانی داعش لە نزیکی بەغدا لە سەردەمێکدا، ڕایانگەیاند: ئێستا داعش خەریکە لە عێراق هەڵدێت و ئەم سەرکەوتنە دەرئەنجامی یەکپارچەیی ناوخۆیی لەم وڵاتەیە و هەروەها سیاسەتی دروستی دەوڵەتی عێراق لە متمانەکردن بە هێزی گەنجە.

رێبەری باڵای شۆڕشی ئیسلامی بە پیداگری لەسەر پێویستی پاڕاستنی یەکپارچەیی سەرزەوینی عێراق، وتیشیان: دەبێ لەبەرانبەر ئەمریکاییەکان وشێار بن و بەهیچ جۆر متمانەیان پێ نەکەن، چونکە ئەمریکا و لاینگرانی، دوژمنی سەبەخۆیی، شوناس و یەکیەتی و یەکگرتوویی عێراقن.

ئایەتۆڵڵا خامنەیی ئاماژەیان بە دۆژمنایەتیی ئەمریکا و دەست و پەیوەندییەکانی لە گەڵ حەشدی شەعبی و هێزی خۆبەخشی جەماوەریی عێراق کرد و جەختیان لەوە کردەوە: نەیارەتی ئەمریکاییەکان لەگەڵ هێزی خۆبەخشی جەماوەری و حەشدی شەعبی بەم هۆیەیە کە ئەوان دەیانهەوێ عێراق، هۆکاری گرینگی پاوەجیی خۆی لەدەست بدات.

بەڕێزیان لەوبارەوە وتیشیان: بەهیچ لەونێک متمانە بە ئەمریکاییەکان مەکەن، چونکە ئەوان چاوەڕوانی دەرفەتن هەتا زەبری خۆیان بوەشینن.

رێبەری باڵای شۆڕشی ئسیلامی، بوونی ناکۆکی و دووبەرەکی لە عێراقیان بە دەرفەتی ڕەخساو بۆ ئەمریکاییەکان لە پێناو ئاژاوەنانەوە و زەبروەشاندن زانی و وتیان: نابێ ئەم دەرفەتە بەوان بدرێت و هاوکات دەبێ لە هاتنی هێزە ئەمریکاییەکان بۆ عێراق بە بیانووی ڕاهێنان و مەشق پێکردن و پرسەکانی تر پێشگیری بکرێت.

ئایەتوڵڵا خامنەیی بە پیداگری لەسەر ئەوەی کە دژایەتیی ئەمریکاییەکان لەگەڵ داعش ڕاستەقینە نییە، ڕوونیان کردەوە: ئەمریکاییەکان و هەندێ وڵاتی هاوپەیمانی لە ناوچەکە کە داعش بە پشتیوانی و پارەی ئەوان دروست بووە، نە تەنیا هەوڵی لەناوبردنی داعش و بنەبڕکردنی نادەن، بەڵکوو دەیانەوێت داعشێک لە ناو مستی ئەواندایە لە عێراقدا بمێنێتەوە.

بەڕیزیان وێڕای ڕێزگرتن و نرخاندنی گەیشتنی هێزە عێراقییەکان بە سنووری سووریا، وتیان: ئەمە کارێکی ستراتێژیک و گەورەیە و پێویستە بەردەوام بن لەم ڕەوتە.

رێبەری باڵای شۆڕشی ئیسلامی وێرای ئاماژە بە زەروورەتی پاراستنی یەکپارچەیی عێراق ڕایانگەیاند: کۆماری ئیسلامی ئێڕان وەکوو دراوسێی، دژی هەر جۆرە وتە و هەوڵێک بۆ بەڕێوەبردنی ڕیفراندۆمی جیابوونەوەی بەشێک لە خاکی عێراق و پەرەدەران بەو بابەتە بە دژایەتی کردنی سەربەخۆیی و شوناسی عێراق دەزانێت.

ئایەتوڵڵا خامنەیی بە ئاماژە بە دەوڵەمەندی دارایی، مرۆیی و مێژوویی عێراق، جەختیان کرد: عێراق بەوەها ڕیشە و شارستانییەتێکی مێژوویی و فەرهەنگی و مرۆڤی، دەبێ یەکگرتوو بمێنێتەوە و مافی ئاوەها وڵاتێک، وەستان لەسەر پێی خۆی و بەرەنگاریی تۆکمە هەمبەر بەو کەسانەیە کە دەیانەوێت هێرش بکەنە سەر عێراق.

بەڕێزیان وێرای پێداگری کردنەوە لەوەی کە دەبێ دەوڵەتی عێراق لە هەموو بارێکەوە پتەو بکرێتەوە و ئەرکی هەموو ڕەوتە سیاسی و مەزەبییەکان لە عێراق پشتیوانی لە دەوڵەتی بەغدایە، وتیشیان دەبێ پەیوەندی نێوان ئێران و عێراق زیاتر لە ڕابردوو پەرەبسێنێت.

حەیدەر عەبادی سەرۆک وەزیرانی عێراقیش لەم دیدارە لە لای خۆیەوە سپاسی یارمەتییەکانی کۆماری ئیسلامی ئێرانی لە شەڕی دژ بە داعش کرد و ڕایگەیاند: بە دڵنیاییەوە داعش لەناودەچێت.