دیدارهکانی لاریجانی لهگهڵ سهرۆکانی پهرلهمانی وڵاتانی ئاسیایی

بهپێ ههواڵی کوردپرێس، عهلی لاریجانی وێڕای سهردانی خۆی بۆ سێئوول پێتهختی کوریای باشوور و بهشداری له کۆبوونهوهی سهرۆکانی پهرلهمانی ئۆراسیا چهند دیداری لهگهڵ هاوتاکانی خۆی له وڵاتانی ڕووسیا، ئازهربایجان، ئهرمهنستان و پاکستان کرد.

* دیداری لاریجانی لهگهڵ سهرۆکی پهرلهمانی کۆماری ئازهربایجان

سهرۆکی پهرلهمانی ئێران له پهراوێزی کۆبوونهوهی سهرۆکانی پهرلهمانی ئۆراسیادا لهگهڵ ئۆکتای ئهسهدۆف، سهرۆکی پهرلهمانی کوماری ئازهربایجان دیداری کرد و لهو دیدارهدا تهرکیز کرایه سهر پێوهندیی دوو لایهنه له بواری وزه، کارهبا، وهرزیاری و هاوکاری له پرسی ئهمنیی دوو وڵات.

ئۆکتای ئهسهدۆف لهو دیدارهدا وێڕای هاودهردی لهگهڵ هاووڵاتییانی ئێران بههۆی ڕووداوی تیرۆریستیی ئهمدواییهی تارانهوه وتی: هاوکاریی نێوان ئێران و ئازهربایجان چووهته قۆناغێکی نوێیهوه.

له درێژهی ئهو دیدارهدا لاریجانی سهبارهت به سهرمایهدانهریی نێوان دوو وڵاتی ئێران و ئازهربایجان دوا و وتی: لهم بارهیهوه کاری باشمان کردووه.

* دیداری لاریجانی لهگهڵ سهرۆکی پهرلهمانی ئهرمهنستان

عهلی لاریجانی له پهراوێزی کۆبوونهوهی سهرۆکانی پهرلهمانی ئۆراسیا لهگهڵ ئارا بابلۆیا سهرۆکی پهرلهمانی ئهرمهنستان دیداری کرد و لهو دیدارهشدا جهخت کرایهوه لهسهر پێکهێنانی دهستهی هاوبهشی ئێران و ئهرمهنستان بۆ چارهسهرکردنی کێشهی پیسیی ئاوی ڕووباری ئهرهس.

سهرۆکی پهرلهمانی ئێران لهو بارهیهوه وتی: ڕێککهوتننامهی چاک له نێوان دوو وڵاتدا به مهبهستی چێکردنی وزهخانه و هێڵی سێههمی گواستنهوهی کارهبا واژۆ کراوه.

* دیداری لاریجانی لهگهڵ هاوتا ڕووسهکهی خۆی

سهرۆکی پهرلهمانی ئێران لهگهڵ ڤیا چوسلاڤ والۆدین، سهرۆکی دۆما (ئهنجومهنی نوێنهرانی ڕووسیا) کۆبوویهوه و وێڕای بانگهێشت کردنی نابراو بۆ سهردانی ئێران دانووستانی نێوان دوو لایهنی به باش وهسف کرد.

لهو دیدارهدا عهلی لاریجانی بانگهێشتی والۆدینی کرد بۆ سهردانی تاران و بهشداری له ڕێوڕهسمی تهحلیفی دهستپێکی خولی دووههمی سهرۆکایهتیی کۆماری حهسهن ڕۆحانی که بڕیاره ڕۆژی 5ی ئووت/ 14ی گهلاوێژ بهڕێوهدهچێت.

سهرۆکی دوومای ڕووسیا لهو دیدارهدا جهختی کردهوه که به ڕاستی دوو وڵاتی ئێران و ڕووسیا له زۆر پرسی وهکوو شهڕی دژ به تیرۆردا چاک لێکتێدهگهن، چوونکه ئهو دوو وڵاته کاری باشیان کردووه له پێناو شهڕی دژ به تیرۆردا.

* دیداری لاریجانی لهگهڵ سهرۆکی پهرلهمانی پاکستان

سهرۆکی پهرلهمانی ئێران له پهراوێزی کۆبوونهوهی سهرۆکانی پهرلهمانی ئۆراسیادا لهگهڵ سهرداری ئهیاز سادق سهرۆکی پهرلهمانی پاکستان دیداری کرد و لهو دیدارهشدا تهرکیز کرایه سهر پێوهندیی بانکیی نێوان دوو وڵات.

عهلی لاریجانی لهو بارهیهوه وتی: پێوهندیی بانکیی نێوان ئێران و پاکستان ئاسانکاری بۆ بازرگانهکان دابین دهکات و لهمبارهشهوه ههندێک کاری باش ئهنجام دراوه بهڵام هێشتاکه نهچووهته قۆناغی جێبهجێکارییهوه.

شیاوی ئاماژهیه؛ عهلی لاریجانی سهرۆکی پهرلهمانی ئێران پاشنیوهڕۆی ڕۆژی دووشهممه/ 5ی پووشپهڕ به یاوهریی وهفدێکی باڵای پهرلهمانی به مهبهستی بهشداری له دووههمین دانیشتنی سهرۆکانی پهرلهمانی ئۆراسیا سهردانی وڵاتی کۆریای باشووری کردبوو.

ڕاپۆرت: شیلان محهمهدی نهوهڕه

کۆدی ههواڵنێر: 60104