Li Reqayê 173 sivîl mirin

Netweyên Yekbûyî (NY) ragihand ku di meha Hezîrana 2017`an de, li Reqayê 173 welatiyên sivîl di encama êrîşên ser DAIŞê de jiyana xwe ji dest dane.

Komîserê Bilind ê Mafên Mirovan yê Neteweyên Yekbûyî (NY) Zeyd Raad El-Huseynî 29ê Hezîranê di civîneke rojnamevanî de ragihand ku di heyama meha Hezîranê de ji ber êrîşên asmanî û operasyonên bejayî yên ku li ser DAIŞê li Reqayê hatine kirin, 173 sivîlan jiyana xwe ji dest daye.

Zeyd Raad El-Huseynî bal kişand ser ku hevpeymaniya navdewletî ya li dijî DAIŞê êrîşên bejayî zêde kirine û di encama wan êrîşan de dora 100 hezar sivîl di rewşeke xerab de mane.

Herwiha El-Huseyn ji ber rewşa sivîlên li Reqayê bang li hemû aliyan kir ku jiyana sivîlên li Reqayê nexin xetereyê.

Koda kurmanciyê: 70101