Leşkerê tirk li qereqolê gule bi ser hevalên xwe de reşandin: 4 kuştî û 3 birîndar

Leşkerê li qereqola navçeya Kula ya Manîsayê ku derûniya wî têk çû bi çekê 3 hevalên xwe kuştin û paşî întîxar kir.

Li gor zanyariyên berdest, îro berê sibehê li qereqola cendirmeyan a navçeya Kulaya Manîsayê leşkerê ku navê wî ne diyar e li koxuşê gule li ser hevalên xwe reşandin.

Di bûyerê de 3 leşkerên qereqolê jiyana xwe ji dest da û leşkerên din jî birîndar bûn. Leşkerê birîndar bi ambulansan rakirin Nexweşxaneya Dewlet a Salihliyê.

Li gor zanyariyan piştî bûyerê leşkerê êrişkar jî întîxar kiriye.

Koda kurmanciyê: 70101