Îlam ji hilbijartinan re amade ye

Waliyê Îlamê ragihand ku Îlam ji birêveçûna xurt a hilbijartinan amade ye.

Li gor rapora Kurdpress`ê Mihemedriza Mirwarîd di civîna li gel walî û birêveberên hilbijartinan de ji wan xwest ku ji bo lidarxistina hilbijartineka xurt û biewle hemî hewlên xwe bi kar bigirin.

Parêzgarê Îlamê herwiha beşdarbûna gel di hilbijartinan de girîng nirxand û wiha got: Xelkê Îlamê ji rêbertiya xwe hez dike û sîstema îslamî dixwaze û ji dil û can parastina welatê xwe yê îslamî dike û bi beşdarbûna xwe ya xurt di hilbijartinan de wê carek din rûpeleka zêrîn li dîroka îranê zêde bike.

Wî herwiha got: Hemî namzed di warê bikaranîna derfetan de di şert û mercên wek hev de ne.

Mihemedriza Mirwarîd herwiha bibîr xist: Bi ti awayî mafê rêveber û xebatkarên dezgehan tune ku derfet û îmkanên dewletê ji bo namzedekî/ê taybet bi kar bînin.