ڕۆحانی: ئەگەر بەرجام نەدەبوو، نەماندەتوانی بەرمیلێکیش نەوت هەناردە بکەین

بە پێی هەواڵی کوردپرێس بە گێرانەوە لە ماڵپەڕی ڕاگەیاندنی سەرۆک کۆماری، حوجەتولئیسلام دوکتۆر حەسەن ڕۆحانی رۆژی دووشەممە لەو دیدارە ساڵی نوێی وەک ساڵی تێکۆشان و بەڕێوەبەرایەتی بۆ هەوڵ و کردەوە لە ئابووریی خۆڕاگری زانی و وێرای داکۆکی لە هەنگاوهەڵێناوە لە سەر بواری گەشەی هۆشیارانە وەک پێداویستیی وڵات، وتیشی: بەرجام ئاسانکاریی پێویست و لابردنی تەگەرەکانی بەردەمە و فەزایەک دەخەملێنێت، بۆ ئەوەی بتوانین لە پێناو بەرژەوەندیی جەماوەر و گەشە و پێشکەوتن بەهرە لە تەواو ئیمکانەکان وەربگرین.

دوکتۆر ڕۆحانی دوای ئاماژە بە هەوڵی دوژمنان بۆ سڕینەوەی توانست و کاریگەریی ئێران لە بازاڕی جیهانی وزە لە ساڵانی ڕابردوو، لە کاتێکدا کە ئێران خاوەن پێگەی تایبەتیی وزە لە ئاستی جیهانی و ناوچەییە، زیادیشی کرد: ئەگەر ئەم دەوڵەتە بیویستبایە بە رێگای ڕابردوودا بڕوات، ئەمڕۆکە هەناردەی نەوتی وڵات تا خاڵی سیفر دادەبەزی و ئەگەر بەرجام نەدەبوو نەماندەتوانی تەنانەت یەک بەرمیل نەوتیش هەناردە بکەین، بەڵام بە یارمەتیی خودا و هەوڵی دەوڵەت ماف و پشکی وڵاتەکەمان لە ئاستی بازاڕدا مسۆگەر دەکەین.

سەرۆک کۆمار ئاماژەی بە هەوڵەکانی دەوڵەت بۆ بەرزکردنەوەی ڕۆڵی ئێران لە بازاڕی وزە و کاریگەرییەکانی لە سەر ژیانی جەماوەر کرد و وتی: دەوڵەت هاوکات هەوڵی داوە کە هەنگاو بە هەنگاو، دەروەستی بوودجە بە داهاتی نەوتەوە کەم کاتەوە و بۆ یەکەمجار لە مێژووی دوای شۆڕش، ساڵی ٩٤ یەکەمین ساڵێک بوو کە هەناردەی نانەوتی زیاتر لە هاوردەی نانەوتی بووە.

ڕۆحانی بە بیرهێنانەوەی پێشکەوتنەکان لە وەزارەتی پەیوەندی و تەکنۆلۆژیای زانیاری، وتیشی: بە پێی ڕاپۆرتی وەزیری پەیوەندی و تەکنۆلۆژیای زانیاری لە سەرەتای دەوڵەت بە نیسبەتی پلانی پێنجەم، پڕۆژەگەلی ئەم وەزارەتخانەیە نزیک بە 14.5 لە سەد پێشکەوتنی بووە و ئەمڕۆکە ئەو ئاستە لە سەداسەدیش تێپەڕبووە.

سەرۆک کۆمار بە داکۆکی لە پێشگری لە لەناوچوونی فەزای هیوا و هەوڵی دوای بەرجام، ڕایگەیاند: دەبێ ڕێز بگرین لە هەوڵی کەسانێک کە لە پێناو کردنەوەی ئەم گرێ کوێرەیە تێکۆشاون و سەرکەوتنەکانی دەوڵەت بەرهەمی لوتفی خوداوەندی و ئامادەبوون و پشتیوانی و هەوڵی جەماوەری بووە و ئەگەر خەڵکی بە دەنگی خۆیان لە هەڵبژاردنەکاندا بەشدار نەدەبوون، بە دڵنیاییەوە نەمادەتوانی ئەم ئاستە لە پێشکەوتن و دەسەڵات مسۆگەر بکەین.

دوکتۆر ڕۆحانی بە خستنەڕووی ئەوەی کە دەبێ لە فەزای پاش بەرجام لە پێناو ڕاکێشانی سەرمایەگەلی ناوخۆیی و دەرەکی و وەبەرهێنانی تەکنۆلۆژیا گرینگە جیهانییەکان بەهرە وەرگرین، جەختی کرد: دەبێ بە کار، هەوڵ و وردبینی و تەکنۆلۆژی، بە باشترین شێوە لە توانستگەلی ناوخۆیی و هێزی گەنجانی وڵاتەکەمان بەهرە ببەین و لەم بەستێنەدا یەکێک لەو بەشانەی کە دەتوانێ یارمەتیدەری جووڵەی بەرەوپیشی وڵات بێت، "ئای تی" و "ئاسی تی"یە کە دەتوانێ لە گەشەی زانست و تەکنۆلۆژیادا هاندەرمان بێت.

سەرۆک کۆمار بە ئاماژە بە پەسەندکرانی چوارچێوەگەلی تۆڕی نیشتمانی زانیاری لە شۆڕای باڵای فەزای مەجازی و ڕەخسانی بەستێنی بەهرە وەرگرتن لەو ڕایەڵە لە وڵاتدا وتی: دەبێ بە چەشنێک هەوڵ و پلان داڕێژین کە جەماوەر بەهرە وەرگرتن لە تۆڕە کۆمەڵایەتییە ناوخۆییەکان بەلایانەوە باشتر و ئەرخەیانتر لە تۆڕە کۆمەڵایەتییە بیانییەکان بێت.

ناوبراو هەروەها بە ئاماژە بە زەروورەتی هەوڵ بۆ جێبەجێ کردنی تێکرایی دەوڵەتی ئەلەکترۆنیکی لە وڵاتدا، وتیشی: دەوڵەتی ئەلەکترۆنیکی یەکێک لە رێگاکانی بەرەنگاربوونەوەی گەندەڵی لە وڵاتدایە.