Kurtefîlma derhênerê kurd tevlî Festîvala Gelan a Nemsayê dibe

Kurtefîlma bi navê "Neynikên Rengçûyî" ya derhênerê kurd, Salim Selewatî di yekemîn beşdarbûna xwe ya di festîvalên navnetweyî de tevlî beşa pêşbirkê ya 24. Festîvala Gelan a Nemsayê dibe.

Li gor rapora Kurdpress'ê ji zarê ragihandina giştî ya Encumena Sînemaya Ciwan a Îranê, kurtefîlma bi navê "Neynikên Rengçûyî" ya derhênerê kurd, Salim Selewatî, ku nû hatiye ekrankirin, di yekemîn beşdarbûna xwe ya di festîvalên navnetweyî de tevlî beşa pêşbirkê ya 24. Festîvala Gelan a Nemsayê dibe. Şîrketa bi navê Setak Fîlm a birêveberiya Setar Çemenîgul û Vîda Salihî, ekrankirina cîhanî ya vê fîlmê pêk tîne.

Ji bilî vê, 3 kurtefîlmên din ên bi navên "Mêrê Xwêyî" a derhêner Seyid Secad Mûsewî, "Jinbûn" a Mihemed Resûlî û "Pencereya Vekirî" a derhêner Efşîn Rizayî ji Îranê beşdarî vê Festîvalê dibin.