حیزبوڵڵای لوبنان مایەی شانازی جیهانی ئیسلامە

بە پێی هەواڵی کوردپرێس لە ماڵپەڕی ڕاگەیاندنی نووسینگەی ڕێبەری، ئایەتوڵڵا خامنەیی ئەمڕۆ لە دیدار لەگەڵ هەزاران کەس لە ئەندامانی سەندیکای ئەنجومەنە ئیسلامییەکانی قوتابیانی ئێران، ڕایانگەیاند: بەرەی بەرانبەر بە سیستەمی ئیسلامی هەوڵ دەدات بۆ گۆڕاندنی شوناسی ئایینی و شۆڕشی گەنجانی ئێرانی و گرتنەوەی هیوا،خۆشی و ئەنگێزەیان و تەنیا ڕێکاری بەرەوڕووبوونەوەیان ڕاهێنانی گەنجانی "دیندار، شۆڕشی، پاکداوێن، خۆڕاگر، هۆشیار،خاوەن ورە، هیوامەند، دلێر و لەگیان بردووە" وەک "ئەفسەرانی شەڕی نەرم".

ئایەتوڵڵا خامنەیی، پاشان بە ئاماژە بە هەندێ گۆڕەپانی شەڕی حکوومەتی کۆماری ئیسلامی لەگەڵ بەرەی ئیستکبار و چەوسێنەری بە سەرکردایەتی ئەمریکا و زایۆنیزم، وتیان: "سەربەخۆیی وڵات لەوانە سەربەخۆیی سیاسی، ئابووری و فەرهەنگی یەکێکە لەو بوارانە چونکە دەسەڵاتەکان لەگەڵ هەر وڵاتێک کە بیەوێت لە بەرانبەر دزە و خۆسەپاندنی بیانییەکان بوەستێت و سەربەخۆییەکەی بپارێزێت و هەوڵ بدات بۆ پێشکەوتن بەرەنگاریی دەکەن".

ڕێبەری شۆڕش یەکێک لە سەرەکیترین ئەنگێزەکانی دەسەڵاتە چەوسێنەرەکان بۆ بەرەنگاریی ئێرانی بە دەستپێڕاگەیشتنی کۆماری ئیسلامی بە زانستی ناڤۆکی وەسف کرد و وتیشیان: ئەگەر لە بەرانبەر ئەم هێزانە تەسلیم بین، بێ گومان دژایەتییەکەیان بۆ پێشکەوتنمان لە بوارە زانستییەکانی دیکەش پەرەپێدەدەن. چونکە ئەوان نایانەوێت ئێرانی ئیسلامی هیچ چەشنە پێشکەوتنێکی زانستی، ئابووری و ... بێت.

ئایەتوڵڵا خامنەیی، "ئامادەیی بەهێزی ئێران لە ناوچەی ڕۆژئاوای ئاسیا و جیهان، بابەتی فەلەستین، بابەتی بەرخۆدان و شێوازی ژیانی ئیڕانی ئیسلامی وەک دیکەی بوارەکانی شەڕی نێوان بەرەی ئیستکبار و نیزامی ئیسلام زانی.

جەختیان لەوەش کردەوە کە لە شەڕ دژی دوژمنان، شەڕی نەرم مەترسیدارتر لە شەڕی سەختە، لەبەر ئەوەی کە دوژمن لە شەڕی سەختدا تەنیا غەڵەتی زیادە دەکات و هەندێ جار هەڕەشەی بۆردومان لە ئێران دەکات، لە ڕاستیدا ورەی کاری وای نییە و ئەگەریش دەست بۆ ئەم بژاردانە ببات، بە ناو دەمیدا دەدرێت.

بەڕێزیان ئاماژەی دا کە ئێستا شەڕی نەرم دژی نیزامی ئیسلام لە ئارادایە و ئێمە لە بری ئەوەی تەنیا بەرگری بکەین دەبێ هێرشیش ببەین و بۆ سەرکەوتن لەم مەبەستە دەبێ ئەفسەرانی دیندار، شۆڕشی، پاکداوێن، خۆڕاگر، هۆشیار، خاوەن ورە، هیوامەند، دلێر و لەگیان بردوومان ببێت.

ئایەتوڵڵا خامنەیی، بە ئاماژە بەوەی کە پاش 37 ساڵ، بەرەی ئیستکبار نەیانتوانیوە کۆماری ئیسلامی ئێران لەناو ببەن یان ڕێگری بکەن لە گەشە و هێزی لە ناوچەکە، وتیان: سەرەڕای هەڕەشە کردەییەکان و پڕۆپاگەندەی زۆر، ئەمڕۆ حیزبوڵڵای لوبنان ڕواڵەتی بە هەیبەتی خۆی لە جیهانی ئیسلام نیشان دەدات و دژایەتی کردنی لە لایەن دەوڵەتێکی گەندەڵ، نۆکەر و پڕوپووچ هیچ بایەخێکی نییە.

رێبەری بالای شۆڕشی ئیسلامی بە ئاماژە بە شکستی ڕژیمی زایۆنیستی لە شەڕی ٣٣ رۆژە لە حیزبوڵڵای لوبنان و هەڵسەنگاندنی ئەو سەرکەوتنە لە گەڵ شکستی سێ سوپای گەورەی وڵاتنای عەرەبی لەو ڕژیمە، جەختیان لەوە کردەوە: حیزبوڵڵا و گەنجانی بە ئیمانی وەک خۆر دەدرەوشێنەوە و مایەی شانازی جیهانی ئیسلامن.