Pêşmerge hêzên zêdetir dişîne Xurmatoyê

Enwer Hecî Osman, Cîgirê wezîrê Pêşmerge ragihand ku ji herêma Kurdistanê wê hêzên pêşmergeyên zêtir bişînin Xurmatoyê.

Li gor rapora Kurdpress'ê ji zarê Spûtnîk, Enwer Hecî Osman wiha got: Rewşa niha ya Xurmatoyê ya ku hîn lê şer berdewam dike, me dît ku pêwîst e ku em zêdetir pêşmergeyan bişînin Xurmatoyê.

Herwiha Cîgirê Wezîrê Pêşmerege eşkere kir ku ew ê heyetekê bişînin Xurmatoyê û wiha dewam kir: Ti encamên baş ji hevdîtinên berî niha deeketin. Eger encamê wan hevdîtinan serkeftî bûna, rewşa navçeyê dê niha ne wisa bûya.