Bûyereka sosret: Keça ku dixwest wêneyê xwe bikişîne, di avê de xeniqî

Fermandeyê hêzên întizamî yê navçeya Eywana Îlamê nûçeya mirina keçekê di Bendava Kengîr a parêzgeha Îlamê de ragihand û got: Keçik ji ber kişandina wêneyê xwe şemitiye û di avê de xeniqiye.

Li gor rapora Kurdpress'ê ji zarê ajansa ragihandinê ya Polîs'ê, Şehram Emîriyan got: Keça ciwan li gel malbata xwe bo seryranê derketibû başûrê navçeya Eywanê.

Wî wiha berdewam kir: Keçikê dema ku xwestiye li peravê avê û dûr ji malbatê wêneyê xwe bikişîne, şemitiye û di nav avê de jiyana xwe ji dest daye.