Amerîkayê hişyarî da welatiyên xwe yên li Tirkiyeyê/ Dibe ku êrîş pêk bên

Balyozxaneya Amerîka li Enqerê haydarî daye welatiyên xwe ku li cihên qerebalix kom nebin ji ber ku pilanên komên tundrew bo encamdana kiryarên terorîstî hene.

Îro sibehê Balyozxaneya Amerîkayê ragihandinek bilez belav kiriye û tê de daxwazê ji welatiyên Amerîkayê yên li Tirkiyeyê dike xwe ji deverên qerebalix dûr bigrin ji ber ku zaniyarî di destê wan de hene ku komên tundrew dê kiryarên xwekujiyê encam bidin.

Di wê ragihandinê de daxwaz ji welatiyên amerîkî hatiye kirin ku di dema her bûyereke nexwestî de raste rast peywendiyê bi balyozxane yan jî konsulxaneyên Amerîka re bikin.

Ji destpêka îsal ve ev cara sêyemîn e ku balyozxaneya Amerîkayê hişyariyê dide welatiyên xwe û Tirkiyeyê weke welatekî nearam wesif dike.