Li Bûrsayê teqîn

Li bajarê Bursayê teqînek çê bû. Di encama teqînê de 1 kes hat kuştin û 7 kes jî birîndar bûn.

Li gor rapora Kurdpress'ê ji zarê Rûdaw'ê, îro çarşemî 27`ê Nîsanê û di saet 17:25`an de li navenda bajarê Bursa li herêma Marmara ya Tirkiyeyê teqînek bihêz qewimî.

Teqîn li nêzîkî mizgefta Ulu Camî ya bajarê Bursayê çê bû û li gor zanyariyên destpêka di encama teqînê de 1 kes hat kuştin û 7 kes jî birîndar bûn.

Derbarê sedema teqînê de ti zanyarî nehatine zanîn.

Walîtiya Bursayê derbarê teqînê de daxuyaniyek da û tê de ragihand ku teqîna îro li pêşiya deriyê aliyê rojava yê mizgefta Ulu Camiyê çê bûye û di encama teqînê de jî kesek hat kuştin û 7 kesên din jî birîndar bûn.