درهوشانهوهی فیلمی دهرهێنهری بۆکانی له فێستیڤاڵی نێونهتهوهیی مهنچستهری بەریتانیا

به پێی ههواڵی کوردپرێس، کورته فیلمی "ئازمایش" بهرههمی "محهمهدڕهزا میناپوور" له دووههمین خولی فێستیڤاڵی نێونهتهوهیی فیلمی سهحهر که له شاری مهنچستهری بەریتانیا بهڕێوهچوو، توانی خهڵاتی "باشترین فیلم له ڕوانگەی بینهران" و خهڵاتی "باشترین ئهکتهری منداڵ" به دهورگێڕانی "ئاریا بوداغی" بهدهست بهێنێت.

ئهم کورته فیلمه پێشتر له بهشی کێبڕکێی فێستیڤاڵی نێونهتهوهیی فیلمی Haover له وڵاتی ئاڵمان و له بهشی کێبڕکێی فێستیڤاڵی نێونهتهوهیی فیلمیTuzla له وڵاتی بۆسنی وهرگیرابوو.

کورته فیلمی "ئازمایش" بهرههمی ساڵی 1393ی ههتاوییه که کاری وێنهگرتنهکهی له گوندی مووسێ سهر به شاری بۆکان ئهنجام دراوه و سناریۆکەی له لایهن "محهمهدڕهزا میناپوور" نووسراوه.

ماوهی ئهم کورته فیلمه 14 خولهکه و دەڕوانێتە ژیانی قوتابییهکی هۆگری زانین که دهیههوێت بهو میکرۆسکۆپهی که مامۆستاکهیان بۆ فێرکردنی وانهی زانستی علووم و سروشت هێناویهتی بۆ قوتابخانهی ئاوایی، تاقیکردنهوهیهک ئهنجام بدات.

دهوری سهرهکیی کارهکتهری ئهو فیلمه ئهکتهری مێرمنداڵی بۆکانی "ئاریا بوداغی" دهیگێڕێت و چهند ئهکتهرێکی دیکهی وهکوو "خالید زارع دووست"، "سهلام کهریمی" و "ناسر میرزایی" لهم کورته فیلمهدا دهوریان گێڕاوه.

وێنەگرتنی ئهم کورته فیلمه له لایهن "سهلاح کهریمی" ، دهنگههڵگرتن له لایهن "فهرهاد محهمهدپوور"، یاریدهدهری دهرهێنهر و بهرنامهداڕێژ "مههدی شههسهواری" و مۆنتاژهکهی له لایهن "موسهیب حهنایی" ئهنجام دراوه.

"محهمهدڕهزا میناپوور" له دایکبووی شاری بۆکان و ئهندامی ئهنجومهنی کورته فیمی ئێرانه که دروست کردنی دوو فیلمی بهڵگهیی و یهک ئهنیمهیشێن و ههروهها دهنگههڵگری، دهنگدانان و دیزاینی دهنگی 18 کورته فیلمی چیرۆکی، بهڵگهیی و ئهنیمیشێنی له کارنامهی هونهریی خۆیدا ههیه.

ئهو تاکوو ئێستا توانیویهتی خهڵاتی تایبهتی دهستهی داوهرانی فێستیڤاڵی ئهنیفێست رۆزافا له وڵاتی ئاڵبانی و خهڵاتی باشترین دهرهێنانی فیلمی بهڵگهیی له مێهرەجانی پارێزگایی ئازهربایجانی رۆژئاوا بۆ فیلمی بهڵگهیی "فهردا نزدیک است" (سبهی نزیکه) به دهست بهێنێت.